Það vantar ekki möguleikana

Sæl verið þið.

Ég verð nú að viðurkenna það að  ég á eftir að lifa lengi á Etwinningferðinni til Brussel sem minnst hefur verið á nokkrum sinnum hér á þessari síðu. Til þessa að hlífa öðrum sem lesa þessa síðu ætla ég reyna að ræða lítið sem ekkert um hana.  Með þeirri ferð opnuðust margir möguleikar og tækifæri til að hugsa kennsluna á annan hátt en áður. 

Ég fékk ansi skemmtilegan tölvupóst í morgun en í honum var verið að bjóða mér á ráðstefnu í Tékklandi.  Reyndar var aðeins um allt uppihald að ræða en ferða kostnaður var ekki innifalinn.  Boðið var samt áhugavert.  Hugmyndin var að fá aðila til koma sem þátt hafa tekið í eTwinningverkefnum sem stofnuð hafa verið af Tékkneskum kennurum .  Á ráðstefnunni átti að ræða og vinna út frá þeim hugmyndum.

National support service for eTwinning will be arranging the National
Conference for the third time now. During this conference you will have an
opportunity to inspire yourself with the projects realized by Czech schools
within the European cooperation by the Internet in the school year
2006/2007.
 
The keynote of this year conference will be to share an experience of Czech
teachers with international school cooperation in Europe in therms of this
activity. During the conference there will be 6 workshops running
concurrently in three periods. The content of the workshops will be themes
connected with the realization of eTwinning projects (display of the
succesful projects and methodology; how to start with eTwinning; how to find
a partner school and how to organize an international cooperation - project
in the education; how to obtain Quality Label and other awards to develop
already existing partnerships and experience; ICT tools - Twinspace, blog,
video conference, digital audio, foto, video in projects and more).
 
The workshops will be led by the eTwinning ambasadors who themselfs use the
eTwinning projects in the classwork on their schools.
 
The conference will also be the opportunity to the Quality Label awarding of
the Czech eTwinning projects.
 
Your eTwinning projects can be presented either on the stand (table,
bulletin board and the Internet connection) or during the workshop.
 
As we expect guests from the abroad, the conference will be simultaneously
translated to English. We would like to invite "twin teachers" of Czech
teachers from all eTwinning countries. Czech NSS will cover all cost for
foreign teachers (except travel costs). Some of European NSSs could pay
travel cost if theirs teacher will ask them. 

 

(Ég var að huga um að skeyta inn Gudmundur Ingi will pay the rest en hætti við það).

Út frá því sem minn félagi í Tékklandi hefur skrifað mér er alveg greinilegt að þeir leggja nokkuð mikið upp úr eTwinning enda frábær leið til samskipta.

Það kitlar mig náttúrulega að skreppa til Tékklands en ég held að ég sleppi því í þetta skipti.

Kær kveðja

Hans R. 

Nýtt efni í eLearning papers

Hefti 3 er komið út í eLearning papers:

Blended Learning sem fjallar um blandaðar kennsluaðferðir.

Úr ritstjórnarpistli:

Blended learning, also known as hybrid or mixed learning, is an approach that has developed with tenacity in the field of education. It is by no means a new term or methodology. To learn and teach in a blended way has been and continues to be an intelligent way of conforming to different training...

Áður höfðu komið út þessi hefti:

Quality in eLearning þar sem er að finna spennandi greinar um gæðamál.

Úr ritstjórnarpistli:

When you really get down to analysing it, the promises of eLearning often have yet to materialise. The question of how eLearning can be successful becomes more urgent as we move from an “early adopter” stage to a more general offering. In a European educational market, it is critically...

eLearning papers publication launched

Úr ritstjórnarpistli:

In 2002, the elearningeuropa.info portal was launched as a European Commission initiative to support education and training through all kinds of multimedia and technological tools. Since then, the portal has encouraged the use of high quality educational contents and dialogue and cooperation for...

Kv. Guðmundur 

Myndir frá eTwinning ráðstefnunni

Nokkrar myndir eru komnar inn á heimasíðu landsskrifstofunnar frá ferðinni á eTwinning ráðstefnuna sem haldin var í Brussel 23. til 25. febrúar síðastliðinn.

Mynd af íslenska hópnum er að finna hérna.

Fleiri myndir frá ráðstefnunni er að finna á þessari slóð.

Blogg í tengslum við ráðstefnuna er að finna í færslunum hérna fyrir neðan.

Kv. Guðmundur 

Brussel

Þann 22. febrúar sl. var farin af klakanum heljarinnar ferð til Brussel þar sem átti að hitta aðra etwinning kennara, e.t.v. hitta samstarfsmenn í verkefnum eða ná í ný sambönd og hefja í kjölfarið vinnu við skemmtileg verkefni þar sem nemendur vinna saman á milli landa.  Einnig var hlustað á eins og gengur misfróðlega fyrirlestra en flestir voru þó mjög gagnlegir, annað hvort var þá verið að setja okkur betur inn í það sem etwinning heimasíðan hefur upp á að bjóða eða við sátum agndofa og hlustuðum á skemmtilega fyrirlesara fræða okkur um það sem við vissum en vissum kannski ekki að við vissum en það er að nemendur okkar geta mjög oft mun meira en við ætlum þeim.

 

Ferðin hófst með snjókomu og seinkun á flugi í Danmörku þar sem við millilentum, fórum svo þaðan til Brussel í flugvél sem hafði ekki fyrir því að taka farangurinn með, hefur sennilega ætlað jólasveininum að sjá um að koma honum á áfangastað enda ekkert að gera hjá honum þessa dagana.  Jólasveinninn klikkaði (lesist sem sagt að hann brást).   SAS kom sem sagt með okkur til Brussel einhverjum 2- 3 tímum á eftir áætlun með engan farangur og af því að við erum Íslendingar og yfirmáta kurteis þá fórum við aftast í 200 manna biðröð sem þurfti að tilkynna um farangursmissinn.   Að lokum komumst við á glæsilegt hótel þar sem ráðstefnan var einnig haldin og skiptum EKKI um föt enda ekki með nein en drifum okkur í mat og fengum frábæran krækling ásamt ýmsu öðru lostæti.

Daginn eftir hófst ráðstefnan og hélt hún vel áfram með stuttum og hnitmiðuðuð fyrirlestrum allan föstudaginn, laugardag og fram á sunnudag er við héldum aftur áleiðis í hlýjuna hérna.  Það var misjafnt hvað stóð upp úr í fyrirlestrunum hjá hverjum og einum en við vorum sammála um að í ferðinni hefði félagsskapurinn toppað allt annað, bæði íslenskur félagsskapur sem og hinir sem voru þarna, fullir - af hugmyndum og allir af vilja gerðir til að hefja samstarf með Íslendingum um hin ýmsu mál.

Nú er bara að hefjast handa við að negla niður þær hugmyndir sem kviknuðu í ferðinni og staðfesta samvinnuna sem var skrafað um.   

Þetta var helv. mögnuð ferð,

 Kveðja,

Bibbi

eTwinning hátíðin í Brussel 23. til 25. feb.

Árlega eTwinning hátíðin var að þessu sinni haldin í Brussel 23. til 25. febrúar síðastliðinn. Yfir 400 manns frá öllum ríkjum evrópska efnahagssvæðisins, langflestir kennarar, skemmtu sér konunglega, hlýddu á áhugaverða fyrirlestra, tóku þátt í vinnustofum og síðast en ekki síst, hittu aðra kennara og kynntu sér það sem kollegar þeirra eru að gera í eTwinning annarsstaðar í álfunni.

Meðal viðburða var verðlaunaafhending fyrir framúrskarandi eTwinning verkefni; sjá nánar hér:

www.etwinning.net/ww/en/pub/etwinning/news/articles/2007_winners_runnersup.htm 

Fulltrúar Íslands voru:

Guðlaug Ósk Gunnarsdóttir, Varmárskóla, Sigurður Freyr Sigurðarson, Síðuskóla, Hans Rúnar Snorrason, Hrafnagilsskóla, Ingileif Oddsdóttir, FNV, og Kirsten Firðriksdóttir, Verzló. Kennurunum til halds og trausts voru tveir starfsmenn lansskrifstofunnar, undirritaður og Guðrún Sv. Guðmundsdóttir.

Kv. Guðmundur  

eLearning Papers: Gagnlegar upplýsingar um rafræna menntun í Evrópu

Ritröðin eLearning Papers hóf göngu sína hjá Elearningeuropa.info (www.elearningeuropa.info) fyrir áramót. Hér eru á ferðinni greinar, viðtöl og athuganir er varða ýmsar hliðar rafrænnar menntunar. Annað heftið er nú komið út og inniheldur m.a. könnun á notkun upplýsingatækni í evrópskum skólum:

www.elearningpapers.eu/index.php?page=home

Kv. Guðmundur 

Blogsíðan í fréttabréfi eTwinning

Ég tók eftir því að í fréttbréfi Etwinning "eTwinning Newsletter January "var minnst á blogsíðu okkar hér.    Mér finnst það nefnilega mjög gott  því að ég held að þetta geti verið góð aðferð fyrir önnur lönd að deila hugmyndum sínum.  Þó svo að ég hef enn ekki komist í gírinn að skrifa mikið á síðuna þá er gaman að sjá hvað aðrir eru að gera hér á Íslandi.  

Fréttin var eftirfarandi:

Iceland: Blog for eTwinners
Iceland has recently started a blog for its teachers to share ideas about eTwinning from both beginner and advanced perspectives. So far it is a great success!

 

Kveðja

Hans Rúnar Snorrason
Hrafnagilsskóla

eTwinning í íslenskum fjölmiðlum

Ný síða var að líta dagsins ljós á heimasíðu landsskrifstofunnar. Þar eru birtar myndir úr ánægjulegri umfjöllun íslenskra fjölmiðla um eTwinning:

www.ask.hi.is/page/etwin_fjolmidlar

Bestu kv.

Guðmundur 

Etwinning samskipti

Góðan daginn,

 

Ég rauk upp til handa og fóta í haust þegar það barst á borð til mín tilboð að taka þátt í alþjóðasamskiptum um kennslu og fleira.  Mér fannst þetta ansi spennandi og ekki eftir neinu að bíða því að í boði voru verðlaun fyrir þá sem voru fyrstir úr startblokkunum.  Ég skannaði þau verkefni sem voru í boði og sendi svar við einum þremur verkefnum.  Ég fékk svar frá öllum fljótlega, tók eitt að mér, kom öðru yfir á miðstigskennara við skólann en gaf það þriðja frá mér.  Verkefnið sem ég og minn bekkur vinnum að er samskipti á milli unglinga þar sem þeir tala sín á milli um ýmislegt sem á þeim brennur.  Málefnunum er skipt upp í flokka sem nemendur hafa valið og eins höfum við bætt við nokkrum sem við viljum að þau tali einnig um.  Þetta er ansi skemmtilegt því að nemendur tala miklu opinskár um vandamál sín við einhverja jafnaldra sína erlendis sem og áhugamál heldur en við kennarana.  Við sjáum að nemendur sem eru afskiptir í skólunum taka gífurlegum framförum í samskiptum, þeir blómstra, það er einhver sem talar við þá og þeir eru að vinna að verkefnum saman án þess að vera dæmdir.  Við kennaranir hittumst svo á þriðjudagskvöldum á spjallsvæðinu og eru það einir stystu en árangurríkustu kennarafundir sem ég hef setið.  Það er vaðið beint í hlutina, ekkert að fara að ná sér í kaffi eða ljósrita eða tala um eitthvað slúður.  Þetta er helv. gott.   Nú svo skemmir ekki að þessir kennarar sem ég er að vinna með eru hressir og skemmtilegir og þetta verkefni sem er í vinnslu hjá okkur en það er blaðaútgáfa í vor með niðurstöðum úr spjalli nemendanna í vetur.  Við vonumst eftir því að blaðið verði upplýsandi og skemmtilegt ásamt því að varpa ljósi á þankagang unglinga frá þeirrar eigin sjónarhóli en ekki frá sjónarhóli kennara, sálfræðinga eða annarra sem eru sérfræðingar í ungdómnum í dag.  Hvert og eitt land mun gefa út blað sem verður eins í hverju landi nema náttúrulega tungumálið.    Hopar sem samanstanda af nemendum úr hverju landi munu búa greinarnar undir birtingu og eru þær unnar á ensku en snaraðar á okkar ástkæra ylhýra áður en þær birtast.

 

Þetta er þegar búið að skapa umræður í skólanum og eiga eflaust fleiri eftir að taka þetta upp á næsta ári.  Það eina sem mér finnst vont er að hafa ekki vitað um þetta fyrr þannig að ég hefði getað sett þetta inn í bekkjarnámskrána í haust en mun hiklaust finna verkefni í vor fyrir bekkinn sem ég verð með næsta vetur.

 Kveðja,

Bibbi

Vefbókaöskju Eddu dreift til skóla í tengslum við eTwinning-viku!

Nú er búið að senda vefbókaöskju Eddu útgáfu til skóla þeirra kennara sem skráðu sig í eTwinning 1. til 7. október, en þá var haldin kynningarvika eTwinning á Íslandi. Vefbókaaskjan er ekki af verri endanum en hún inniheldur þessi rit: Íslensk orðabók, Dönsk-íslensk orðabók, Íslensk-dönsk orðabók, Nöfn íslendinga, Kortabók Íslands, og Samtíðarmenn.

Þeir skólar sem fengu öskjuna eru:

Fjölbrautaskóli Suðurlands, Síðuskóli, Borgarhólsskóli, Reykhólaskóli, Grunnskólinn á Hólmavík, Grunnskólinn að Varmalandi, Framhaldsskólinn Austur-Skaftafellssýslu, Fjöltækniskóli Íslands (Stýrimannaskólinn í Reykjavík), Öskjuhlíðarskóli, Norðlingaskóli, Víkurskóli, Borgaskóli, Engjaskóli, Varmárskóli og Lágafellsskóli.

Landsskrifstofan óskar öllum til hamingju með ósk um að vefbókaaskjan verði til gagns og gamans við skólastarfið -- og hvatning til frekari þátttöku í eTwinning öllum til hagsbóta!

Kær kveðja,  Guðmundur